Лидија Димковска ќе ја отвори „Долга ноќ на европската литература“ во Берлин
Писателката Лидија Димковска е избрана од бордот на Европската конференција на писатели да ја отвори манифестацијата „Долга ноќ на европската литература“ која по повод Денот на Европа ќе се одржи денеска во „Дојче театер“ во Берлин.
Димковска ќе прочита неколку песни на македонски јазик, а преводите на германски на Александер Зицман и на англиски на Љубица Арсовска и Пеги Рид ќе се читаат и проектираат на сцената на националниот театар.
Покрај Димковска, на читањето ќе настапат и Јарослав Рудиш од Чешка, Сјон од Исланд, Паоло Џордано од Италија, Драгана Младеновиќ од Србија, Јазра Калед од Грција, Јетон Незирај од Косово, Јана Бенова од Словачка и Серхиј Жадан од Украина.
На настанот ќе биде прочитан и заеднички манифест во однос на Европа и нејзината реалност.
Овој книжевен настан е во рамките на Европската конференција на писатели што вторпат ќе се одржи од 9 до 11 мај во Академијата на уметноста во Берлин, а на која ќе учествуваат автори и професори речиси од сите европски земји. Тие ќе се обидат да одговорат на прашањето што претставува денес Европа со своите јазици, граници и имигрантски политики.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид