Лидерот на Бошњаците во Србија бара автономија на Санџак
Претседателот на Бошњачкиот национален совет во Србија, Сулејман Угљанин денеска побара од српските власти и од Европската унија да се распишат „избори за формирање на територијана автономија на српската областа Санџак, каде мнозинството од жителите се Бошњаци.
Угљанин, кој е и лидер на Партијата за демократска акција на Санџак (СДА), нагласи дека барањето го базира на резултатите од референдумот за автономија на Санџак од 1991 година, кој не е признат од страна на Белград.
Лидерот на Бошњаците во Србија, исто така, побара и да се утврди датум за повлекување на српската полиција, војска и разузнавачки служби, како и на српските правосудни органи од Санџак.
Тој тврди дека Бошњаците се „туѓо тело во земја во која институциите се нарекуваат српска војска и српска полиција“ и оти државните органи кон бошњачко малцинство се однесуваат непријателски и дискриминаторски.
Ваквите изјави на Угљанин, српскиот министер за одбрана Александар Вулин ги оцени како провокативни. Тој додаде дека претседателот на Бошњачкиот национален совет сака да предизвика „неред и немир“, затоа што му пречи мирот и законитоста во Србија.
- Војската на Србија не е окупаторска сила за да се повлекува, таа е дел од секојдневниот живот на секој од нас и е чувар на нашата земја, како и на нашиот начин на живот. На тој што му пречи војската, му пречи и Србија, а му пречи и мирот и законитоста, истакна Вулин.
Тој додаде дека војската, полицијата и правосудните органи ќе продолжат да се грижат за мирот и законитоста на територијата на Србија и да ја гарантираат безбедноста на секој граѓанин, без оглед на верската или националната припадност.
- Србија им припаѓа на сите кои живеат во неа и тоа никој никогаш нема да го промени со својата омраза, посочи Вулин.
Ново на Сител
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина