Левица со иницијатива до Уставен суд за 72 часовната работна недела

Политичката партија Левица поднесе Иницијатива за оценка на уставноста на новодонесените измени на Законот за работни односи, со којшто се воведува 72 часовно работно време, со цел спроведување на договорот на „Бехтел и Енка“.

Донесените одредби се противуставни. Осум часовното работно време е меѓународен стандард, како и дневниот, неделен и годишен одмор загарантирани со Уставот и со меѓународното право.

Со воведување на 72 часовно работно време неделно, ќе се вратиме во едно робовладетелско општество!
Левица, со цел да ги заштити работниците, ја доставува оваа иницијатива. Се надеваме дека Уставниот суд ќе биде на висина на својата улога и задача во правниот систем и оваа иницијатива, во најкус можен рок ќе ја прифати и по истата ќе одлучи да ги поништи или укине овие одредби.

Да потенцираме дека Левица се обиде и во Собранието да превенира донесување на штетни одлуки во Законот за работни односи, со поднесени над илјада амандмани. Продолжуваме и понатаму да се бориме да се заштити работникот.

Сектор за медиуми и односи со јавност на ПП Левица