Левица: Го повикуваме народот да се приклучи на протестот против оваа анти-народна власт
„Францускиот предлог, којшто Владата првично го одби, за сега да биде прифатлив, ги содржи сите негаторски бугарски барања!
Прво, двете страни ќе се произнесат за македонскиот јазик по нивно видување - само за нас јазикот ќе биде македонски, додека Бугарија ќе ја афирмира својата позиција за македонскиот јазик како дијалект на бугарскиот јазик!
Второ, сите барања поврзани со историските прашања кои се содржат во Договорот за добрососедство од 2017 година, стануваат дел од преговарачката рамка - Бугарија ќе ја пишува македонската историја!
Трето, по заслуга на европските партнери, за прв пат се предвидува Бугарија, и другите земји-членки, да можат да ставаат вето на веќе затворени поглавја - ЕУ не става во лавиринт до конечно удоволување на сите апетити на соседите!
БУГАРИЈА ПРЕКУ ЕУ НАМЕТНУВА УЛТИМАТУМ ЗА НИШТЕЊЕ НА МАКЕДОНСКИОТ НАРОД И ИДЕНТИТЕТ!
Француската амбасадорка во Бугарија и министерката Генчовска денес со официјални изјави потврдија дека се работи за истиот предлог и дека нема никакви суштински измени во однос на бугарските барања.
Алармантна е и денешната изјава на министерот Бујар Османи, кој изјави дека, доколку Владата донесе одлука за одобрување на пакетот, тогаш тој можел веднаш да пристапи кон потпишување на протоколот со Република Бугарија. Ова укажува дека Владата на СДС и ДУИ, во духот на своето владеење на хибриден режим, целосно ќе го заобиколат Собранието и насилнички ќе ја спроведат бугараризацијата по сценариото за Преспанскиот Договор!
Не може ништо добро да произлезе од преговори со земја која не признава македонски народ, македонски јазик и македонско малцинство.
Не може ништо добро да произлезе од нерамноправни преговори во кои едната страна има можност да ја уценува другата.Ова го покажаа преговорите со Грција и Преспански договор.
Република Македонија, под уцена и заплашување неколку пати го менуваше Уставот, се откажа од малцинството во Грција, прифати референца и го смени државното знаме. Тоа сепак не беше доволно, па и покрај добиениот спор пред Меѓународниот суд на правдата, повторно бевме блокирани и уценувани, што доведе до прифаќање на Преспанскиот договор, со кој Македонија, менувајќи го Уставот го смени и уставното име и драстично ги загрози националните интереси и идентитетот на македонскиот народ. Сепак, според грчкото МНР, македонската нација и понатаму е „измислица на Тито“ - што значи нови блокади во идните преговори со ЕУ.
Идентичен е спорот со Бугарија. Со прифаќање на овој нацрт-Предлог, и со евентуалниот старт на преговорите, ние не добиваме ништо друго освен еден бесконечен пат до членство во ЕУ, во кој Бугарија има безброј можности повторно да нè блокира и уценува, дури не ги прифатиме сите неприфатливи услови и гледишта во однос на македонскиот народ, јазик и историја. Затоа и првото барање е да биде променет Уставот.
Со прифаќање на овој нацрт-Предлог се стимулират Бугарија и регионалните држави, да продолжат со нецивилизациски барања и напади на правото на македонскиот народ да ја одбере својата судбина!
Идеите за создавање на големи балкански држави на сметка на територијалниот интегритет на Македонија, се остаток од минатиот век - тие ја загрозуваат стабилноста и безбедноста на регионот, иако владините чиновници велат дека ова е во насока на нивно подобрување.
Натаму води и прифаќањето на шовинистичките уцени содржани во овој нацрт-Предлог, замаскирани во прогрес, кој ни се претставува како „неопходен“, за евроатлански интеграции на Македонија, и тоа мора веднаш да запре!
ЗАТОА ПОТРЕБНО Е КАТЕГОРИЧНО ОТФРЛАЊЕ НА ПРЕДЛОГОТ И ИТЕН ПРЕКИН НА ПРЕГОВОРИТЕ СО БУГАРИЈА ВЕДНАШ!
ГО ПОВИКУВАМЕ МАКЕДОНСКИОТ НАРОД ДА СЕ ПРИКЛУЧИ НА СЕНАРОДНИОТ ОТПОР ПРОТИВ ОВАА АНТИ-НАРОДНА И АНТИ-ДРЖАВНА ВЛАСТ!“, стои во соопштението од Левица.
Левица
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп