Лестер победи во Лондон кај Вест Хем

Екипата на Лестер ја постигна и втората победа во Премиер лигата и остана на врвот на табелата со максимален учинок по двете кола. Попладнево Лестер триумфираше на гостувањето кај Вест Хем со 2:1. Гостите двата гола ги постигнаа во првиот дел, а стрелци беа: Шињи Оказаки во 27.минута и Риад Махрез во 38.минута. Голот за Вест Хем го постигна Дмитри Пајет во 55.минута.

Резултати на денешните натпревари:

Саутемптон – Евертон 0:3,

Сандерленд – Норвич 1:3,

Свонси – Њукасл 2:0,

Тотенхем – Стоук 2:2,

Вотфорд – ВБА 0:0,

Утре играат: Кристал Палас – Арсенал и во дербито на колото последните два шампиона на Премиер лигата Манчестер Сити – Челзи.

Последниот натпревар од 2.коло меѓу Ливерпул и Бурнемонт се игра во понеделник.

По некомплетното второ коло на врвот со максимални шест бодови се Лестер и Манчестер Јунајтед, додека Евертон и Свонси имаат по 4.