Лажна е дојавата за бомба во училиште во Охрид

Лажна е дојавата за бомба во училиште во Охрид, информира МВР.

Како што информира МВР, направени се сите потребни проверки во врска со денешната пријава дека на електронската адреса на едно училиште во Охрид е упатена закана за поставена експлозивна направа.

- Веднаш по добиената пријава, од полициски службеници се преземени мерки за безбедно евакуирање на објектот, а потоа се извршени детални антитерористички проверки и утврдено е дека станува збор за лажна пријава, соопштуваат од МВР.