Лажен аларм за терористички напад во германско училиште
Лажен аларм за терористички напад денеска беше прогласен во училиште во градот Менден, во близина на Дортмунд, во германската покраина Северна Рајна Вестфалија, поради што во училишната зграда беа испратени припадници на специјални полициски сили, јави дописникот на МИА од Берлин.
Полицијата добила дојава дека вооружен маж бил виден во училиштето, по што на учениците и наставниците им било наредено да се заклучат во училниците се до завршување на полициската проверка.
Во операцијата покрај специјални полициски екипи, учествувале и хеликоптери, кои ја проверувале околината на училиштето „Хохе Беруфколеџ“.
При преземените мерки за проверка нема повредени лица, објавија локалните власти.
Во еден од низата инциденти во училишта кои во последниве десетинна години се сличија во Германија, во 2009 година во градот Виненден 17-годишен ученик застрела 15 лица. По неколкуте терористички напади извршени од членови и симпатизери на организцијата Исламска држава (ИД) и други радикални групи, во Германија во сила се уште се највисоки можни мерки за безбедност.
Ново на Сител
-
Тема на денот со Елмедин Конаковиќ, Министер за надворешни работи на БиХ
-
Да се симнат табуата и мажите почесто да прават лекарски прегледи
-
До утре комплетен список на министрите на Владата на Мицкоски
-
Тивок бојкот во СДСМ
-
Ќе плаќаме ли поскапа струја од 1 јули?
-
Зголемен обем на работа во ГОБ 8 септември поради хаосот со салите на Клинички, а кадарот масовно си заминува
-
Спасителите на вода неопходност за безбедни капалишта
-
Националната земјоделска мрежа ги утврди производната и откупната цена на пченицата