Лавров: Русија сака дипломатија, а не војна
Рускиот министер за надворешни работи Сергеј Лавров денеска изјави дека Русија сака дипломатија, а не војна, по американскиот повик да се „врати на преговарачка маса“ и да не ја напаѓа Украина.
– Ние го избравме патот на дипломатијата пред неколку децении, истакна Лавров во интервју што беше пренесено на неколку руски медиуми.
Тој нагласи дека Русија мора да работи со сите и тоа е нејзиниот принцип.
– Ако е до Русија, нема да има војна. Ние не сакаме војни. Но, нема да дозволиме нашите интереси грубо да бидат газени, игнорирани, рече шефот на руската дипломатија.
Акумулацијата на десетици илјади руски војници на границите на Украина во изминатите недели ги поттикна стравувањата од евентуална инвазија. Русија негира дека планира напад.
Американскиот претседател Џозеф Бајден предупреди дека постои можност Русија да ја нападне Украина следниот месец.
САД побараа в понеделник да се одржи седница на Советот за безбедност на ОН за ситуацијата со Украина.
Ново на Сител
-
СПМ: Вториот круг претседателски избори ќе базира на резултатите од првиот
-
Мицотакис: Грција нема да испрати во Украина системи С-300, ниту „Патриот“
-
Столтенберг: Украина и натаму може да ја добие војната против Русија
-
Најстудено во Лазарополе, најтопло во Дојран
-
Течат роковите за приговори до ДИК, партиите продолжуваат со изборните активности
-
ЦУК: 1.694 повици на 112 во последното деноноќие
-
Состојба на патиштата
-
САД денеска ќе објават нов пакет помош во оружје за Украина вреден шест милијарди долари