Лавров повика на директни преговори меѓу Сирија и Турција во врска со ситуацијата во Африн

Рускиот министер за надворешни работи Сергеј Лавров денеска оцени дека ситуацијата во сирискиот регион Африн може да биде решена преку директен дијалог меѓу Дамакс и Анкара.

Силите, предводени од Турција во наредните денови ќе започнат опсада на градот во рамки на операцијата на Анкара за чистење на областа од курдската милиција „Сили за заштита на народот“, соопшти претходно турскиот претседател Реџеп Таип Ердоган.

Тој посочи дека распоредувањето на сириски владини сили во реонот бил осуетен од Турција по телефонскиот разговор со рускиот претседател Владимир Путин.