Лавров: Имаме надеж дека ќе преовлада здрав разум во ЕУ заради санкциите

Москва се надева дека во Европската унија ќе преовлада разум кога се во прашање санкциите спрема Русија, изјави  шефот на руската дипломатија Сергеј Лавров.

- Знам дека во Брисел се во тек дискусии. Се надевам дека здравиот разум ќе преовлада, изјави Лавров во интервју за шведскиот весник Дагенс Нихетер.

– Доколку тоа не се случи, тогаш нема да ја чекаме судбината или добар став кон нас кој би можел да се појави во одреден момент. Ќе се потпреме на сопствените сили, изјави рускиот министер за надворешни работи.