Лаказет за рекордни пари во Арсенал

Францускиот напаѓач Александар Лаказет официјално стана играч на Арсенал, објави клубот на својата интернет страница.

Екс фудбалерот на Олимпик Лион потпиша петгодишен договор, а Арсенал за неговите услуги плати 46,5 милиони фунти (53 милиони евра).

Лаказет стана најскапиот играч во историјата на Арсенал, соборувајќи го рекордот кој досега го држеше Месут Езил (48 милиони евра).

Александар Лаказет има 26 години, а минатата сезона во дресот на Лион постигна 35 голови на 45 одиграни натпревари.