Лајчак и Ескобар побараа од косовските Срби да учествуваат на локалните избори во северно Косово
Специјалниот пратеник на Европската унија за дијалогот меѓу Косово и Србија, Мирослав Лајчак и заменикот помошник државен секретар на САД и специјален пратеник на претседателот Џо Бајден за Балканот, Габриел Ескобар, побараа од најголемата партија на косовските Срби, Српска листа (СЛ), да учествува на најавените вонредни избори во четирите општини во северно Косово, јави дописникот на МИА од Приштина.
По средбата со претставниците на СЛ на крајот од посетата на Косово, Лајчак пред новинарите изјави дека во решавањето на кризата настаната по изборот на градоначалници Албанци на изборите во општините со мнозинско српско население, кои тамошните Срби ги бојкотираа, мораат да биде вклучено и локалното население.
-Ниедно политичко решение за намалување на тензиите на косовскиот север не може да се постигне без засегнатото население. Со претставниците на СЛ и на граѓанското општество ние ја нагласивме потребата косовските Срби да учествуваат на новите избори, изјави Лајчак.
Европскиот и американскиот дипломат допатуваа вчера во Приштина, каде што синоќа се сретнаа со премиерот Албин Курти, од кого побараа итни мерки за средување на состојбата во северно Косово, меѓу кои повлекување на специјалните полициски единици и организирање вонредни локални избори во засегнатиот регион.
Денеска Лајчак и Ескобар имаа средба со претседателката на Косово, Вјоса Османи, како и со лидерите на најголемите опозициски партии на Албанците, а по средбата со претставниците на косовските Срби отпатуваа за Белград, каде што беа пречекани од српскиот претседател, Александар Вучиќ.
Ново на Сител
-
Приведени Македонец и Албанец, затекнати при пустошење шума на Јабланица
-
Штипските пензионери најавуваат протест на 11 октомври
-
Стоилковски: Јавен интерес е одговорот дали веќе е склучен договор Македонија да е партнер со бугаринот Васил Божков
-
Агелер за законот за амнестија: Важно е ваквите процеси да бидат транспарентни и легални
-
На „Октоберфест“ годинава вкупно 7,2 милиони посетители
-
Фестивал на виното во Скопје од 11 до 14 октомври
-
Објавена снимката од ВАР собата во контроверзниот пораз на Ливерпул
-
Ван Гал по 19 години се врати во Ајакс