Лајчак: Европската иднина на Србија и Косово зависи од нормализацијата на нивните односи
Самитот на делегациите од Белград и Приштина беше тежок и покажа многу поинаков пристап од двете земји, изјави високиот претставник на ЕУ за дијалогот Белград-Приштина, Мирослав Лајчак.
„Последица на ова е што постигнавме многу малку“, рече Лајчак по средбата меѓу Вучиќ и Курти во Брисел.
Тој додаде дека биле разгледани неколку различни предлози и дека единствениот резултат што може да се пријави е дека дијалогот ќе продолжи.
„Страните се согласија дека главните преговарачи ќе одржуваат месечни состаноци со посредство на Европската унија, дека ќе се разговара за тековните прашања и дека самитите ќе бидат подготвени навремено“, рече Лајчак.
Според него, српскиот претседател Александар Вучиќ и косовскиот премиер Албин Курти се договориле да се состанат во септември.
– За нас, Европската унија, важно е да се нагласи дека европската иднина на Србија и Косово зависи од нормализацијата на нивните односи. Затоа, очекуваме двете земји да работат заедно, да го надминат наследството од минатото и да ги решат сите нерешени прашања, рече Лајчак.
На вчерашниот самит присуствуваше и високиот претставник на ЕУ за надворешни работи и безбедносна политика Жозеп Борел.
Ново на Сител
-
Приведен возач од струшко, управувал возило со 176 км на час каде дозволената брзина е 80 км на час
-
Кривична пријава за криумчарење пиротехника - запленети и цигари и фалсификувана стока | ФОТО
-
Приведено лице затекнато како потпалува ѓубриште и сува трева во близина на штала со добиток
-
Кривични пријави против две лица за неовластено поседување огнено оружје и муниција | ФОТО
-
Висината на цунамито во Северо-Курилск достигна пет метри
-
Владата чека оставка од обвинителот Коцевски
-
Чешкиот „Блек хок“ се очекува да полета кон планината Готен, пристигнаа и словенечките пожарникари
-
Македонци во Тајван, сведочат за предупредувањето и опасноста од цунами по земјотресот на Камчатка