Лабуристот Хојл повторно претседател на британскиот Парламент

Британските пратеници денеска повторно го избраа лабуристот Линдси Хојл за претседавач на парламентот, откако вети дека ќе биде непристрасен и фер во улогата на модератор, јави „Гардијан“.

Конзервативците на премиерот Борис Џонсон минатата недела освоија мнозинство во Долниот дом на Парламентот, што им дава слобода лесно да наметнуваат дневен ред и намалување на влијанието на претседателот на Парламентот.

Хојл (62) првпат беше избран на оваа функција во ноември, малку пред Парламентот да биде распуштен на пет недели пред изборите. Тој беше заменик спикер од 2010 година.

– На претседателот на парламентот мора да се верува, рече Хојл пред пратениците да ја изведат парламентарната традиција, „одвлекувајќи“ го до столицата на претседателот на парламентот.