Кузмановски во Металург до 2019 година

Ракометниот клуб Металург на денешниот прес објави дека нивниот играч и македонски репрезентативец Филип Кузмановски го продолжи договорот со клубот до 2019 година. Ова значи дека Кузмановски ќе остане плус уште една сезона во клубот бидејќи неговиот актуелен договор изминува во 2018 година.

- Ја продолжуваме традицијата да нагажираме млади играчи, а еве сега и ги продолжуваме договорите со нив. Се обидуваме да ја стабилизираме екипата и сите тие млади ракометари кои се и репрезентативци на Македонија да ги задржиме во клубот за да го подигнеме и нивниот и нашиот квалитет. Во нашите планови се секако и договори со играчи кои се дел и од нашата втора екипа. Лино Червар има голема заслуга за оваа проекција, како и директорот на клубот Ванчо Димовски, изјави Зоран Цветановски, новиот претседател на клубот.