Курти: Целта на „Отворен Балкан“ е отворање на регионот кон Русија и Кина
Косовскиот премиер Албин Курти оцени дека досегашната иницијатива за „мини шенген”, што во четвртокот на Регионалниот економски форум во Скопје беше преименувана во „Отворен Балкан”, претставува обид на претседателот на Србија, Александар Вучиќ да го отвори Балканот кон Русија и Кина, јави дописникот на МИА од Приштина.
Курти денеска пред новинарите во Приштина изјави дека регионалната иницијатива, која ја поддржуваат премиерите на Северна Македонија и Албанија, Зоран Заев и Еди Рама, претставува обид на Вучиќ да го отвори регионот и за „автократијата, корупцијата и воените злосторници”.
– Со оглед дека таму е српскиот челник кој не се соочува со минатото на неговата држава и со неговото лично минато, „Отворен Балкан” наликува повеќе на Балкан отворен за влијанијата од Исток, посебно од Руската Федерација и Кина, како и Балкан отворен за автократијата, корупцијата и воените злосторници, кои, како што знаеме, и натаму се во голем број слободни низ Србија, а не малку од нив се и на власт, изјави Курти.
Одговарајќи на новинарски прашања на отворањето на изложба на книги од 80-тите во Народниот театар во Приштина, косовскиот премиер рече дека главен проблем во регионот во моментов е одбивањето на српското раководство да се соочи „со криминалното минато на Србија”.
– Ние како Република Косово сметаме дека главен проблем во Западен Балкан е несоочувањето на српското раководство со минатото, односно со криминалното минато на Србија, која предизвика четири војни во последната деценија на минатиот век. Заедничкиот пазар мора да биде придружен од соочување со минатото, демократизација на нашите земји и владеење на правото, изјави Курти.
Во спротивно, порача косовскиот премиер, „ќе имаме повеќе настани кои не остануваат во сеќавање, одошто процеси и структури кои ќе го менуваат кон подобро животот на граѓаните”.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање