Крвав празничен викенд во Чикаго, во престрелки убиени 17 лица, меѓу кои и две деца
Изминатиот празничен викенд е еден од најкрвавите во историјата на Чикаго, бидејќи 17 лица го загубија животот, меѓу кои и седумгодишно девојче и 14-годишно момче, а уште 70 други лица се повредени, и покрај заедничките напори да се запре насилството со дополнителни 1.200 полицајци на улиците низ градот.
Насилството годинава беше многу полошо од минатата година, кога на празникот 4 јули беа убиени шест лица, а 66 беа ранети во престрелките низ градот, пренесуваат американските медиуми.
По релативно тивкиот петок, првата престрелка избувнала во саботата околу 7 часот наутро. Седумгодишната Наталија Валас за време на прославата стоела на тротоарот пред куќата на нејзината баба во западниот дел на градот, кога, според полицијата, осомничените излегле од автомобилот и отвориле оган. Детето било погодено во главата.
Околу три часа откако била убиена Наталија, група млади луѓе за кои се верува дека се членови на банда излегле од возило во населбата Саутвуд, на јужната страна од градот, и отвориле оган кон член на ривалска банда. Но, притоа, 14-годишниот Вернадо Џонс, кој бил во близина, бил погоден во пазувите од еден од куршумите испукани кон членот на бандата, кој и самиот загинал.
Овие смртни случаи следат по серијата престрелки низ САД во кои загинаа неколку деца, меѓу кои и шестгодишно момче во Сан Франциско, шестгодишно момче од Филаделфија, осумгодишно девојче во Атланта, 11-годишно девојче од Колумбија, во Мисури, и осумгодишно момче од Ховер, во Алабама.
Ново на Сител
-
Димитријевиќ од следната сезона ќе игра во Евролигата
-
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
-
Приведени двајца дилери од Прилеп, пронајдена дрога и пушка
-
СПМ: На 8 мај народот ќе ја определи својата иднина и иднината на државата
-
Едeн загинат во сообраќајка на експресниот пат Штип - Кочани
-
На полноќ настапува молк пред вториот круг од претседателските и парламентарните избори на 8 мај
-
Православните верници денеска слават втор ден Велигден и Ѓурѓовден
-
Право на глас на вториот круг од претседателските избори имаат 1.814.317, а на парламентарните 1.815.350