Kривична за намерно предизвикување стечај

Управата за финансиска полиција поднесе кривична пријава против две лица и едно правно лице од Валандово и Дојран поради сомнение за намерно предизвикување стечај.

Според пријавата, газдата намерно ја однел фирмата во стечај за да избегне плаќање на долг од близу 5 милиони евра кон странска фирма и долгови кон УЈП.

Финансиската полиција тврди дека преку фиктивен договор за закуп биле евидентирани пенали од 233,7 милиони денари и бил ставен товар врз имотот на фирмата, а судот подоцна го запрел извршувањето.

Откако не успеало отуѓувањето на имотот, со помош на второто лице биле префрлени уште 4 милиони денари по основ на позајмица, по што бил поднесен предлог за отворање стечајна постапка.