Кривична за битолчанец - со ловечка пушка застрелал 66-годишен кичевец

Надворешната канцеларија за криминалистички работи Кичево поднесе кривична пријава против Д.С.(34) од Битола поради постоење основи на сомнение за сторено кривично дело „предизвикување општа опасност“. Од страна на судија на претходна постапка на Д.С. му е одредена мерка притвор во траење од 48 часа. На 27.02.2019 година околу 18.10 часот во атар на село Осој, кичевско, на место викано „Алексова нива“, пријавениот од ловечка пушка испукал куршум, при што го повредил А.С.(66) од Кичево.