Кривична пријава за три лица за препродавање марихуана
Штипската полиција поднесе кривичнa пријавa против С.С.(22) од Куманово, Д.Д.(23) од с.Кучичино, општина Чешиново Облешево и T.Ш.(21) од Велес, тројцата со привремен престој во Штип, поради основано сомнение дека сториле кривично дело „неовластено производство и пуштање во промет на наркотични дроги, психотропни супстанции и прекурсори“.
Според МВР, откако претходно се договориле неовластено заради продажба да набават поголема количина опојна дрога марихуана, завчера (14.11.) С.С. и Д.Д. со патничко возило „Волксфаген Венто“ со штипски регистарски таблици, управувано од И.В.(29) од Штип, заминале во Куманово. Таму од непознато лице купиле поголема количина на опојна дрога марихуана, по што ја пренеле марихуаната во Штип, односно во куќа на ул.„Сутјеска“ каде што како потстанар живеел третопријавениот Т.Ш.
По претходно добиени оперативни сознанија, од страна на полициски службеници преземени се мерки за документирање на случајот и со обезбедена наредба од Основен суд Штип извршен е претрес над тројцата пријавени, како и во куќата на ул.„Сутјеска“, при што пронајдени и одземени се вкупно 1.340 грама наркотична дрога марихуана спакувана во неколку најлонски ќеси, со намера да ја продаваат на лица уживатели на дрога.
Судија на претходна постапка на пријавените им одреди мерка притвор во траење од 30 дена.
Ново на Сител
-
Тошковски - Давкова: Ќе градиме општество во кое основен принцип ќе биде владеење на правото
-
Мицкоски: Од Грција очекував честитки, а не политички мускули, повикувам на добрососедски и пријателски односи
-
РКЕ: Цените на бензините, дизелот и екстра лесното масло за домаќинство остануваат исти, се намалува само цената на мазутот
-
Приведен 29-годишник кој избегал од кумановскиот затвор
-
ЈОРСМ: Дадена наредба за обдукција на починатиот притвореник од Затвор Куманово
-
Адвокат почина во Граѓанскиот суд во Скопје
-
Повторно одложен судскиот процес за Пендиков
-
Тошковски во посета на оперативниот тим „Кафез“ и Регионалниот центар за гранични работи Север