Кривична пријава за Босанецот кој уценуваше струмичанка: Му пратила интимни фотографии, и барал пари за да не ги објави

Струмичката полиција поднесе кривична пријава против М.В. (27), државјанин на Босна и Хецеговина, поради постоење основи на сомнение за сторено кривично дело „уцена“.

МВР информира дека М.В. во текот на декември 2017 година, преку профил на социјалната мрежа Фејсбук побарал од лице од Струмица да му испрати фотографии со интимна содржина.

Откако оштетената му пратила фотографии, пријавениот од мобилен телефон и испратил пораки во кои барал да уплати 2.000 евра на негова сметка, а во спротивно и се заканил дека фотографиите ќе ги објави на социјалните мрежи.