Креаторот на францускиот предлог си замина од Елисејската палата и од политиката
Сител доби потврда од прес службата на министерството за Европа и надворешни работи на Франција дека советникот на францускиот претседател Александар Адам си заминал од Елисејската палата. Станува збор за креаторот на францускиот предлог кој Македонија го прифати за да го стартува преговарачкиот процес со ЕУ. Александар Адам последните месеци од својата советничка кариера на претседателот Макрон ги помина на реалација Париз-Скопје-Софија и успеа на самиот крај на француското претседателство со ЕУ да обезбеди решение кое беше прифатено во двете земји.
Иако негови колеги во Париз коментираат дека бил преморен од ангажманот со македонско-бугарскиот спор, официјалните информации се дека неговиот мандат е завршен и тоа е причината што веќе нема да биде дел од кабинетот на претседателот Макрон.
- Мандатот на советникот на претседателот Макрон, Александар Адам заврши и тој оди на нова позиција во највисокиот суд во Франција, велат за Сител од прес службата на министерството за Европа и надворешни работи.
Кариерата на Адам како советник на претседателот Макрон, стартувала во 2017 години на стартот на првиот претседателски мандат. Пред две години тој ја добил можноста да биде советник за Европа.
Спорд информациите кои Сител ги обезбеди во Париз, Адам долги години работел како дипломат на прашања поврзани со судството токму во службите на министерството за Европа и надворешни работи на Франција.
Заминувањето од Елисејската палата во највисокиот суд во Франција во Париз се гледа како негово унапредување.
Иван Кузмановски
Ново на Сител
-
Оливер Зафировски назначен за директор на Клиниката за пулмологија и алергологија во Скопје
-
Езерската полиција спасила две малолетни лица во водите на Охридското Езеро
-
Дефинитивно денови за паметење – Народната и забавната музика ги разгореа жештините во Кратово | ФОТО
-
Три жени повредени во сообраќајка кај „Мавровка" | ФОТО
-
Хрватска повлекува морска сол од пазарот поради присуството на пластика
-
УХМР со предупредуваање: Следува период на многу топло време
-
Автобус на ЈCП се качи на заштитна ограда пред Мавровка | ФОТО
-
Кривичниот суд ги одби приговорите: На таткото на Вања ќе му се суди за грабнување на ќерката