Кражба на возила во Скопје, еве како двајца возрасни скопјани останаа без автомобил

Вчера Б.С.(72) во Полициската станица Центар пријавил дека во периодот од 11 до 14.03.2018 година на улицата “166“ од страна на непознат сторител му било одземено патничко моторно возило “Опел Корса“.

Имено сторителот откако влегол во дворот од куќата, во дрвена кутија која била оставена надвор ги пронашол клучевите, го стартувал возилото и го напуштил местото на настанот стекнувајќи се со противправна имотна корист од околу 180.000 денари. Се работи на целосно расчистување на случајот.

Вчера С.Б.(60) во Полициското одделение Петровец пријавил дека истиот ден во времето од 01,30 до 05,00 часот во село Петровец од страна на непознат сторител му било одземено патничко моторно возило “Пежо 406“. Имено сторителот откако дошол до возилото, влегол во незаклученото возило и со оригиналниот клуч кој стоел на бравата, го стартувал возилото и го напуштил местото на настанот, стекнувајќи се со противправна имотна корист од околу 150.000 денари. Се работи на целосно расчистување и  на овој случај.