Кражба на огревни дрва во Кичево
Надворешната канцеларија за криминалистички работи Кичево поднесе кривична пријава против З.К.(60) од Кичево, поради постоење основи на сомнение за сторено кривично дело „злоупотреба на службена положба и овластување“, А.М.(29), Ш.А.(50) двајцата од с.Преглово, Пласница и правно лице „ФИНО -ЛЕС“ ДООЕЛ с.Ижиште, поради постоење основи на сомнение за сторено кривично дело „кражба“ на дрва.
На 03.07.2019 З.К., како раководител на Подружница на шумско стопанство од Кичево, ја злоупотребил службената положба, така што спротивно на Законот за шуми, во име на Подружницата која ја претставувал, склучил договор за купопродажба на буково огревно дрво со правното лице „ФИНО-ЛЕС“ с.Ижиште, Македонски Брод, претставувано од Ш.А., иако знаел дека правното лице не поседувало лиценца за вршење работи на сеча и дотур во шуми во државна сопственост, со што му овозможил купување на дрва во вкупна вредност од 1.804.998 денари.
А.М., вработен како сечач во Подружница на Шумско стопанство од Кичево, при реализирање на договорот за купопродажба, извршил бесправна сеча на неозначени букови стебла од шума во државна сопственост, кои заради препродажба противправно ги оддзел Ш.А., како управител на правното лице „ФИНО- ЛЕС“, с.Ижишта.
Ново на Сител
-
Од 1 септември нови мерки најавува Вучиќ „за луѓето, особено за средната класа и посиромашни“
-
Донесен законот со кој учениците од верските училишта ќе можат да полагаат државна матура и да се запишуваат на универзитетите
-
Шест полицајци повредени во Нови Пазар во судир меѓу граѓани и полиција пред зградата на Државниот универзитет
-
ОН: Во Газа влегува само половина од потребната помош, стотици илјади луѓе гладуваат
-
УЈП: Загрижувачка состојба во исполнување на ДДВ обврските
-
Со запален факел од хартија и текстил запалил греди на натстрешница - Истрага за пожар во Струмица
-
Ангелов: Во тек е административна селекција на пријавените кандидати за пожарникари
-
До 15 септември сите службени возила ќе имаат таблици во боја