Крајната десница ја обвини Меркел за нападот во Берлин
Претставници на германската партија „Алтернатива за Германија“ (АФД) веднаш по нападот во Берлин во кој загинаа најмалку 9 а ранети се 50 лица ја обвини канцеларката Меркел дека таа е виновна за инцидентот, јавува дописникот на МИА од Берлин.
„Кога ќе се врати германското владеење на правото? Кога конечно ќе запре ова проклета хипокризија? Ова е смрт на Меркел“, десетина минути по нападот во Берлин напиша на својот профил на социјалната мрежа Твитер пратеникот во Европскиот парламент Маркус Прецл.
За време на бегалската криза лани Прецл се залагаше за употреба на армијата против приливот на бегалците поради што тој беше одстранет од страна на Фракцијата на конзервативците и реформистите во Европскиот парламент по што се придружи на групата Европа на нации и слобода предводена од француската националиста Марин Ле Пен.
Германските власти сеуште не го објавиле идентитеот на организаторите и напаѓачите во Берлин но доколку се покаже дека тие се бегалци или радикални муслимани кои добиле азил од владата на Меркел тоа дополнително може да ја зголеми популарноста на Алтернатива за Германија која јавајќи на бранот на антиемигрантските политики и антимуслиманска реторика дојде до фантастични 14 отсто рејтинг на федерално ниво и успеа да влезе во 10 од 16 германски покраински парламенти.
Ново на Сител
-
Определен притвор за четворица осомничени за пукањето во Тетово
-
Бела куќа: Трамп и Путин ќе имаат состанок в петок во Енкориџ
-
Свечена седница по повод 24 години од потпишувањето на Охридскиот рамковен договор
-
Ангелов: Борбата со пожарот во ловиштето Јасен продолжува, успешно изгасната една линија, теренот останува критичен
-
Го живеам мојот сон, сакам да ме паметат по дела | Орце Ѓоргиевски | Неформално | Sitel Podcast 108
-
ЦУК: Активни пожари во Јасен, Свиларе, Радуша и уште четири локации
-
Студентската листа е 99 отсто завршена, во неа нема опозиција ниту влада, тврдат српските студенти во блокада
-
Израел тврди дека нема масовна глад во Газа