Ковид-19: Азиските земји се соочуваат со втор бран на зараза, но со случаи од странство
Јужна Кореја, Кина и Сингапур се меѓу азиските земји кои се соочуваат со втор бран на новиот коронавирус, поттикнат од луѓето што од странство влегуваат во тие земји, јави Би Би Си..
Кина, каде се појави вирусот, вчера потврди дека нема нови домашни случаи, првпат од почетокот на епидемијата. Меѓутоа, пријави нови 34 случаи меѓу луѓе кои неодамна се вратиле во Кина.
Сингапур, исто така, јави за 47 нови случаи, од кои 33 се увезени, при што 30 од нив се жители на Сингапур кои неодамна се вратиле од друга земја.
Јужна Кореја денеска јави за скок во бројот на инфицирани, со 152 нови случаи, но засега не е познато колку од нив дошле од друга држава.
Јапонија вчера извести за три нови случаи. Но, Хокаидо, најтешко погодениот јапонски регион со 154 случаи, ја укинува вонредната состојба – воведена на крајот на февруари – откако властите соопштија дека ширењето на вирусот изгледа завршува. Тие ги повикаа луѓето да останат претпазливи и да останат во своите домови, но посочија дека нема наплив на заразени пациенти што довело до колапс на здравствениот систем.
Ново на Сител
-
Кривична пријава за градоначалникот на Крива Паланка - Митовски тврди: Се е по закон
-
Власта и опозицијата повторно се судрија за пензиите, кој доби, а кој загуби со линеарното покачување
-
Секоја 3-та фирма не издава фискални сметки, плаќањето со картичка ќе ја намали сивата економија
-
Музеите на Скопско Кале ќе бидат санирани и отворени за посетители до крајот на годината
-
Преглед на вестите од светот
-
Претседателката на ДКСК Татјана Димитровска поднесе оставка
-
Втор ден потрага по 16 годишното девојче кое исчезна во водите на Вардар
-
Пожарот на планината Серта ставен под контрола, но се уште гори