Костадинов: Да не се опструира новиот закон за Јавно обвинителство, реформите во интерес на правдата продолжуваат

Опозициската ВМРО-ДПМНЕ со сите сили се труди да наметне перцепција во јавноста дека скандалот “рекет” е сличен со 11 годишниот пустош на режимот на Груевски и Мицкоски.

Не е’ и никогаш не може да стане!

Ние не сме и никогаш нема да бидеме исти!

Сега секој кој се огрешил пред законите одговара и ќе одговара. Никој не бега од правдата!

Разликата е огромна! Правосудните органи ја вршат работата во рамки на своите надлежности ослободени од каков било притисок од извршната власт, што не беше случај со владеењето на ВМРО-ДПМНЕ.

Тешко лицемерие е Милошоски да обвинува кој било друг за криминал кога 11 години беше најблизок соработник на почесниот претседател на ВМРО-ДПМНЕ и нивен вистински партиски шеф.

За потсетување, токму Милошоски е дел од предметот Моќник каде постојат основани сомненија за сторена злоупотреба на службената положба и овластување.

Додека бегалецот од правдата во Будимпешта си ужива во нелегално стекнатото богатство, оние кои од него се злоупотребени лежат во затвор.

Наместо да бараат оставки и да се занимаваат со опструкции, Мицкоски и Милошоски нека соопштат јавно кои им се вистинските намери и до кога планираат да ја мачат Северна Македонија и нејзинитe граѓани?

До кога ВМРО-ДПМНЕ ќе ги загрозува евроатланските интеграции за да ги спасува инкриминираните сегашни и поранешни сопартијци?

Почитувани,

Ја користам оваа прилика уште еднаш јавно да ги повикам опозициските пратеници да не го опструираат новиот закон за Јавно обвинителство.

Граѓаните и сигурната иднина на Северна Македонија не можат и понатаму да бидат заложници на неодговорни политичари на кои личните интереси им се поважни од државните.

Реформите кои се во интерес на граѓаните, правдата и државата, продолжуваат.