Косовската опозиција не се согласува да биде дел од дијалогот со Србија
Поканата на косовскиот премиер Иса Мустафа и опозицијата да се вклучи во дијалогот со Србија категорично го отфрлија двете опозициски политички партии, Движењето „Самоопределување“ и Алијансата за иднината на Косово.
Тие велат дека никако не прифаќаат да бидат дел од овие преговори.
Според нив, Србија најпрво треба да се услови со признавање на Косово, па дури потоа да се разговара.
Движењето „Самоопределување“ остро се спротивставува на поканата на премиерот, додавајќи дека „никогаш нема да прифатат ваква покана“.
- Овој дијалог без платформа и без начела нема поддршка од нас, бидејќи е дијалог што на земјата и причини непроценливи штети, изјави за РТВ 21 Доника Кадај-Бујупи, пратеничка од оваа партија.
Координаторот на парламентарната група на Алијансата за иднината на Косово Пал Лекај вели дека со овој формат, овој политички субјект, нема да прифати да се вклучи во дијалогот.
- Алијансата за иднината на Косово е против дијалог од овој вид формат и во никој случај нема да бидеме дел од дијалогот за да ги преземеме сите оние договори кои се постигати на штета на Косово. Сега, во самиот финиш, да ја преземеме вината за дијалогот и штетените договори за Косово е невозможно и на никој начин нема да учествуваме, изјави Лекај.
Премиерот Мустафа, освен опозицијата, најави дека ќе го покани и граѓанскиот сектор да учествува во дијалогот со Србија, оценувајќи дека само така дијалогот ќе биде подобар и потранспарентен.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово