Косово воведе визи за сите руски државјани, без исклучоци
Владата на Косово на денешната седница донесе одлука за воведување визи за сите државјани на Русија кои на било кој начин сакаат да влезат или да ја користат државата за транзит, јави дописникот на МИА од Приштина.
Премиерот Албин Курти изјави дека руските државјани со редовни, службени и дипломатски пасоши, како и оние кои имаат биометричка дозвола за престој издадена од државите на Шенген-зоната, во иднина се должни да се опремат со косовска виза, било за влез, транзит или престој во Косово.
Претставувајќи го предлогот, кој беше усвоен на денешната владина седница, заменичката мнинистер за надворешни работи, Лиза Гаши нагласи дека мерката што се предлага е на линија на последната одлука на Европската унија во однос на визите за руските државјани.
– Визата е потребна за државјаните на Руската Федерација при влез во Република Косово, без исклучоци. Овој предлог на МНР е во согласност со меѓународните обврски кои ги презеде Косово во кохерентност со последната одлука на ЕУ за укинување на договорот за олеснување на добивање на Шенген-визи за руските државјани, изјави Гаши.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка