Косово се уште не донело одлука дали ова година ќе аплицира за членство во УНЕСКО

Косовската Влада се уште не донела одлука за тоа дали оваа година повторно ќе аплицира за членство во УНЕСКО, изјави косовскиот заменик-министер за надворешни работи Валон Муртезај.

- Работиме на тоа, но се уште не е извесно дали ќе аплицираме. Тоа бара работа и анализирање со меѓународни партнери, изјави Муртезај.

Косово не е примено во УНЕСКО во 2015 година, откако за приемот не го доби потребното двотретинска мнозинство на Генералното собрание на таа организација.