Косово ја отвора границата со Албанија, се укинува самоизолацијата за лицата кои влегуваат во земјата
Владата на Косово на денешната седница донесе одлука за олеснување на мерките за заштита од епидемијата на Ковид-19, меѓу кои и за целосно отворање на границата со Албанија.
Министерот за здравство Арменд Земај изјави дека од утре, понеделник, се укинува мерката на самоизолација, како и дека ќе се овозможи слободно движење на граѓаните и стоките, без временските ограничувања кои беа во сила досега.
– Од понеделник граѓаните кои влегуваат во Косово нема да подлегнат на самоизолација и наместо да се тестираат тие ќе бидат прегледувани од екипите на здравствените центри на граничните премини. Исто така, од понеделник ќе се овозможи целосно слободно движење на луѓето и стоките, односно се укинува ограничувањето на движењето од 5 до 21 часот, изјави Земај.
Тој информира дека дневните анализи на Министерството за здравство и Институтот за јавно здравство на Косово покажуваат оти здравствената ситуација во земјата е стабилна, со благ пораст на заразени од новиот коронавирус во одредени општини.
– Треба да ни е јасно дека вирусот е и натаму активен, иако со намален интензитет. Затоа бараме стриктно почитување на препораките на министерството и институтот и секое прекршување на правилата ќе се смета за загрозување на здравјето и животот на другите, изјави Земај.
Ново на Сител
-
Координативна средба на Ѓорѓиевски со советничките групи од коалицијата – во фокус на разговорот биле првите чекори по преземањето на градот
-
ЕП усвои резолуција за Србија
-
Турски државјани осомничени за помагање на странци при незаконит престој во државава
-
Николоски на средба со УКЕФ во Лондон: Македонија со огромна подршка од Велика Британија го започнува најважниот регионален проект за брза пруга на Коридор 10
-
Герасимовски: Во две смени работат нашите хигиничари, Комунална хигиена мора да се освести ни се спрема катастрофа
-
Со 2,05 промили алкохол во крвта возел „мерцедес“ низ Кавадарци
-
Вработени од „Паркови и зеленило“, „Флораком“ и „Луна“ повторно на протест, од 28-ми најавуваат активирање на одлуката за штрајк
-
Истрага за злоупотреби во прилепската болница, осомничени 32 лица