Констатирани оставки на 4 пратеници

Собранието денеска констатираше оставки на 4 пратеници, од кои 3 на власта и еден од редовите на  опозицијата. Констатирани се оставките на Сања Лукаревска и Мухамед Зеќири од СДСМ кои заминуваат на директорски позиции во УЈП односно Фондот за здравство.

Констатирана е и оставката на Бајрам Кадрија од ДУИ кој се најавува за директор на АЕК.

Оставка поднесе и Игор Дурловски од ВМРО-ДПМНЕ кој поднесе оставка од морални причини образложувајќи на социјалните мрежи дека не може да ги оствари политичките цели преку парламентот. Во моментов парламентов ги чека извештаите на ДИК за наследниците 4 пратници. Без да бидат ратификувани мандатите на новите пратеници, власта го нема потребното мнозинство од најмалку 61 пратеник. На оваа седница се и измените за законот за заштита на населението од заразни болести во кој треба да се најдат и мерките за заштита од ковид пандемијата, но овој закон ќе чека додека не дојдат во салата новите пратеници. 

Катерина Нешкова