Конференција за влијанието на климатските промени врз земјоделството
Во организација на Федерацијата на фармери на Република Македонија (ФФРМ) денеска во Струмица ќе се одржи Првата национална конференција на тема „Македонското земјоделство и климатските промени“.
Целта е да се претстават негативните ефекти од климатските промени и влијанието врз земјоделското производство во земјава.
Преку практични примери и позитивни искуства на експерти и земјоделци, ќе бидат претставени и мерки за адаптација кон климатските промени во одделните гранки: градинарство, лозарство, овоштарство и сточарство, со кои се обезбедува намалување на штетите предизвикани од промените во животната средина.
На настанот ќе се обратат Ана Ерландсон, програмски менаџер на We Effect за Европа, Никола Стаменов, претседател на ФФРМ, и Петар Ѓоргиевски, претседател на Мрежата за рурален развој на Република Македонија.
Конференцијата е поддржана од проектот „Институционална подршка на Федерацијата на фармерите на РМ“, проектот на УСАИД за адаптација на земјоделството кон климатските промени што го спроведува Мрежата за рурален развој на РМ, како и од Амбасадата на Кралството Шведска.
Ново на Сител
-
Изминатиов викенд 1148 сообраќајни прекршоци на територија на цела држава, 458 за брзо возење
-
Македонски боксерски судија нападнат во ринг од страна на азербејџански тренер | ВИДЕО
-
Орбан: Трговскиот договор меѓу ЕУ и САД е полош од оној со Британија
-
Де Вевер: Нема причина за славење поради трговскиот договор ЕУ-САД
-
Во Стокхолм ќе се одржи нов круг разговори меѓу САД и Кина за трговскиот спор околу царините
-
Стармер ќе разговара со Трамп за прекин на огнот во Газа и тарифите за британскиот челик
-
Италија победник на Лигата на нации во одбојка за жени
-
Отпечаток од рака стар 4.000 години пронајден на египетски глинен сад