Конференција за предизвиците во искористувањето на ИПА-средствата на локално ниво
Конференција „Предизвиците во искористувањето на ИПА-средствата на локално ниво“ ќе се одржи денеска во Скопје во организација на НВО Инфоцентар и Организацијата на жени од Струмица.
Во фокусот на панел-дискусиите, како што најавуваат организаторите, ќе бидат предизвиците и проблемите со кои се соочуваат општините и граѓанските организации во искористувањето на средствата од Инструментот за претпристапна помош – ИПА, со акцент на тековната финансиска перспектива ИПА2, вклучувањето на општините и граѓанските организации во програмирањето на средствата, како и промените кои се очекуваат со новата финансиска перспектива – ИПА 3.
Учество на конференцијата, како што е најавено, ќе земат Евгенија Серафимовска Кирковски од Секретаријатот за европски прашања, Арсим Фидани од Министерството за локална самоуправа, како и директорката на Националната агенција за европски образовни програми и мобилност Лидија Димова и директорката на ЗЕЛС, Душица Перишиќ.
Конференцијата е дел од проектот „Локален консултативен механизам за ИПА 2“, финансиски поддржан од Европската Унија.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228