Конечно уапсен: Насилник со клоца турна девојка по скалите
Полицијата во Германија го уапси хулиганот кој без причина шутна жена што по скалите се симнуваше пред него во метро станицата во Берлин и таа падна и се повреди. За пронаоѓање на насилникот награда од 2000 евра понуди поранешниот телохранител на Лејди Гага и Шарлиз Терон.
Камерите во станицата во октомври го забележаа инцидентот во кој непознат маж клоцна една минувачка и таа падна по скалите.
Полицијата испрати апел до граѓаните да го пријават мажот доколку го препознаат, но никој не се јави. Тогаш Мајкл Куер (54) поранешен телохранител, одлучи да ја земе работата во свои раце и понуди парична награда во замена за информации за наградата за напаѓачот и неговите соучесници кои се гледаат на снимката.
Откако ја клоцна и турна несреќната жена, напаѓачот заминува, држејќи цело време шише во рака, а еден од неговите пријатели застанува за момент, ја гледа девојката, зема друго шише што паднало во текот на нападот по скалите, се врти и исто така заминува. По апелот од телехранителот и понудената парична награда, полицијата доби информации за напаѓачот кој набрзо потоа е уапсен.
Мајкл рече дека е апсолутен противник на насилството и дека сакал да и помогне на полицијата да го реши случајот.
-Штом понудив награда веднаш добив информација за напаѓачот, рече тој за локалните медиуми и додаде дека планира да донира и 10.000 евра за да помогне да се реши случајот, а додатни 5.000 евра донираше за повредената девојка и нејзиното семејство.
По нападот, кој ги згрози луѓето ширум Германија, девојката веднаш е префрлена во болница.
Ново на Сител
-
Зеленски за Еј-Би-Си Њуз: Поблиску сме до крајот на војната отколку што мислиме
-
Министерот Муртезани учествува на заседание на Советот за општи работи на ЕУ во Брисел
-
Сообраќајот тековно, нема подолги задржувања на граничните премини
-
Променливо облачно, попладне повремен пороен дожд
-
Герасимовски: Поставивме 720 фотоволтаични панели на покривот на ООУ „Киро Глигоров“
-
Руско МНР: Најмалку 31 цивил е убиен во украинската офанзива врз рускиот Курски регион
-
Царината заплени облека, обувки, бижутерија, чанти, очила, рачни часовници, камагра, жилети, парфеми, техничка стока
-
Утре и во среда локални врнежи од дожд, потоа стабилно со пораст на температурите