Концерт на Темков и Каровски во Кавадарци
Во рамки на манифестацијата „Кавадаречка културна есен”, синоќа во Домот на културата „Иван Мазов - Климе” во Кавадарци концерт одржаа Страшо Темков на флејта и Миле Каровски на гитара.
Темков е професор на Факултетот за музичка уметност во Скопје, а Каровски професор во средното музичко училиште „Илија Николовски- Луј".
Директорот на културниот дом Владимир Темков изрази задоволство што кавадарчани имаа можност да уживаат во настан од сценско- музичката дејност на оваа институција. - Имаме незаборавна вечер благодарение на двајцата виртуози и амбасадори на нашата култура низ целиот свет кои потекнуваат токму одовде. Кавадарци се гордее со нив, нагласи директорот.
Каровски рече дека станува збор за волшебна комбинација помеѓу флејтата и гитарата и додаде дека сопственаата инспирација ја црпи најмногу од животот.
Според Страшо Темков, ова е кавадаречко дуо кое живее и делува во Скопје. - Првпат настапуваме тука во овој состав. Горди сме што потекнуваме од ова тло, милувам да кажам дека Кавадарци ни е како одскочна даска во животот, рече тој, најавувајќи неколку меѓународни настапи.
Ново на Сител
-
Утре нова размена на речиси 500 воени заробеници меѓу Русија и Украина
-
Изгоре автомобил во струмичкото село Банско
-
Ангелов очекува по локалните избори да профункционира институцијата која ќе ги обедини ЦУК и ДЗС
-
На Табановце се чека до половина час, а на Дојран и Богородица до 15 минути
-
До 10 илјади евра казна за непочитување на обврската за објавување на цените на веб страниците
-
Најмалку 17 лица загинаа по израелски напад во Газа
-
РТС поднесе крвична пријава поради блокада на нивни објекти
-
Во американските воздушни напади на пристаништето во Јемен загинале 74 лица