Комората на извршители и АВРМ потпишаа Меморандум за соработка
Меморандум за соработка за електронска проверка на податоци во Агенцијата за вработување на Македонија, денеска потпишаа директорот на АВРМ Влатко Поповски и претседателот на Комората на извршители, Зоран Петрески.
Со Меморандумот се предвидува користење на новата услуга на Агенцијата за електронска проверка на податоците кои Агенцијата досега ги давала во печатена форма.
-Со новата услуга ќе се намалат времето и трошоците на Агенцијата во делот на ангажирање на луѓе и изработка на тие документи, трошење на тонери, хартија...односно се што претставува товар на Агенцијата, ќе се намали, појасни Поповски.
Проектот на Агенцијата, според претседателот на Комората Петрески, ќе претставува олеснителна околност како за извршителите така и за должниците кои ќе добијата помали трошоци за изработка на тие документи.
-Овој систем ќе овозможи две клучни работи. Прво е брзина и ефикасноста, а второ намалување на трошоците. Крајно, корист од овој систем ќе имаат граѓаните на Република Македонија кои се должници во постапките, истакна Петрески.
Услугата на АВРМ стартува од денеска, а покрај извершителите, корисници ќе бидат и граѓаните, нотарите, институциите...кои ќе можат да добиваат онлајн податоци за пократко време.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден