Комбе на Царината се преврте на автопатот кај Петровец, тројца повредени цариници

Утрово во 7 и 15 часот на автопатот Петровец – Скопје, веднаш после одвојувањето на автопатот кон обиколницата или кон Скопје, дошло до сообраќајна незгода.

Комбе на Македонската Царина се превртело на патот. Во моментот на несреќата комбето превезувало и било полно со цариници.

Според првичните информации од МВР во несреќата се повредени 3 цариници кои се префрлени во болниците во Скопје. Еден е префрлен во ГОБ а двајца во клиничкиот центар. Нема информации за какви повреди станува збор.

При превртувањето комбето го блокираше патот при што дојде до застој во сообраќајот. На лице место е излезена увидна екипа на МВР.

Нема информации што ја предизвикало несреќата. Се знае само дека друго возило не учествувало во незгодата.

Голема сообраќајка – Комбе на Царина превртено на местото каде загина Младенов (Фото МКД.мк)