Коха диторе: Косово не знае колку земји го признале

Ниту по девет години откако прогласи независност, Косово не знае колку точно држави ја признале неговата државност, пишува косовскиот весник „Коха диторе".

Министерството за надворешни работи никогаш не ја потврди листата на земји кои го признаа Косово, иако оттаму велат дека тој број е 114.

Министерот за надворешни работи Беџет Пацоли допрва треба да објасни како Нигерија и Уганда го признаа Косово во февруари 2012 година, а Приштина никогаш не доби потврда за тоа, се наведува  во текстот.