Коциќ: Со законски измени ги ограничуваме трошоците за лекување од Ковид во приватните болници
Владата предводена од СДСМ ги утврди измените и дополнувањата на Законот за здравствена заштита.
Со измените се предлага цените во приватните болници да бидат изедначени со референтните цени утврдени од Фондот за здравствено осигурување
Преку овие измени трошоците за дијагонстицирање и лекување на ковид пациенти ќе се се движат од 40.000 до максимални 305.000 денари.
Ваквото регулирање на цените во време на пандемија е неопходно за да не се доведеме во ситуација приватните здравствени установи да останат недостапни за огромно мнозинство на граѓани во нашата земја.
Овие чекори се преземаат за да се овозможи здравствените услуги во приватните болници да бидат подеднакво економски достапни за сите граѓани, со што ќе се заштити јавното здравје и економските интереси на сите граѓани.
Покрај ова, со предложените законски измени е предвидено и користење на ресурсите на приватните болници доколку условите го наложуваат тоа согласно состојбата предизвикана од пандемијата во име на заштита на јавното здравје и се забранува преземање на здравствени работници од јавното здравство од страна на приватните здравствени компании.
Истовремено, предвидени се и измени во делот на глобите за прекршоци доколку приватните здравствени установи не постапуваат согласно законските одредби.
Измените на Законот за здравствена заштита во Собранието наскоро ќе се најдат пред пратениците во Собранието.
Како парламентарно мнозинство, ги повикуваме сите пратеници да ги поддржат овие измени со кои цените за третман на пациенти во приватните болници ќе бидат финансиски поиздржливи за сите граѓани.
СДСМ како одговорна партија останува посветена на заштита на јавното здравје, на брзо надминување на пандемијата од коронавирусот и унапредување на здравствениот систем кој цела година води беспоштедна битка против невидливиот непријател.
Продолжуваме со носење мерки и политики кои ја унапредуваат здравствената заштита за сите граѓани.
Центар за комуникации на СДСМ
Ново на Сител
-
Анализи: Супербактериите би можеле да убијат милиони луѓе до 2050 година
-
Во Скопје, Велес, Кавадарци и Демир Капија измерени 41 степен, за утре се најавува температура до 42 степен
-
ДЗС: За 15 проценти помалку сместени ученици и студенти во интернатите и домовите
-
Две екипи на ТППЕ Куманово уште го гасат пожарот на улицата „Инудстриска“ во Куманово
-
Сашко Кедев е првиот Македонец кој ги има искачено сите 14 врвови во светот високи над 8.000 метри
-
Едно и полгодишно дете паднало во базен во прилепско, пронајдено бесвест од неговите родители
-
Почнува реконструкција на гимназијата „Кирил Пејчиновиќ“ во Тетово
-
Автобус на ЈСП се запалил во движење, го изгасил возачот но завршил во болница