Коцевски: СДСМ е голем поддржувач, креатор и спроведувач на реформите во локалната самоуправа

Градоначалникот на Велес, Аце Коцевски на денешната трибина посветена на состојбите во локалната самоуправа истакна дека СДСМ е голем поддржувач, креатор и спроведувач на реформите во локалната самоуправа.

“Скоро сите реформи во локална самоуправа се носат во време кога СДСМ е на власт. Најважните закони за локална самоуправа се носат со Влада предводена од СДСМ и доколку сега наскоро немаше избори ќе се донесеа уште за што ќе беше потребна промена за 30 до 50 закони”

“Локалната самоуправа е темел на вредност на уставниот поредок. Нема демократија без развиена локална самоуправа и не треба да се третира како паралелна власт на цантралната власт , ниту како конкурентна власт туку како посебна власт”, рече Коцевски.

Коцевски смета дека нашата земја ги нема искористено сите поетенцијали кои се нудат за развој на земјата и дека најголемите работи општините кои треба да ги направат е со закон да нудат квалитетни и брзи услуги за граѓаните.
Коцевски кажа дека претходната власт на ВМРО-ДПМНЕ го злоупотребила законот за териротијална организација, нудејќи лажни ветувања.

“Се сеќавате како дојдоа на власт во 2006 година со злоупотреба на претходно донесениот закон за територијална организација и со лажно ветување дека кога ќе дојдат на власт ќе го укинат законот и ќе ги вратат претходно укинатите општини. Се сеќавате дека тоа ниту го направија ниту пробаа да го прават , ниту помислија тоа да го прават, тоа им беше само предизборна мамка за да ги излажат граѓаните како што и сега впрочем лажно ветуваат дека ќе го укинат Преспанскиот договор, ќе го поништат потпишаниот договор со Бугарија, но јас верувам дека сега граѓаните се свесни за лажните ветувања и ќе можат се тоа добро да го проценат и да го казнат”, рече Коцевски.