Коалицијата, предводена од САД уби 24 цивили во Рака

Во воздушни напади коалицијата предводена од САД убила најмалку 29 цивили во Рака, во северна Сирија. 

Меѓу нив има девет жени и 14 деца. Нападите биле извршени за време на акции во изминатите 24 часа против Исламска држава, соопшти Сирискиот центар за човекови права.

Невладината организација, со седиште во Лондон наведува дека меѓу жртвите 14 цивили биле од исто семејство.

Бројот на загинати во нападите од понеделникот можно е да се зголеми со оглед на тешко повредените кои се во критична состојба.

Арапско-курдската алијанса со поддршка од САД настојува да ја протера ИД од Рака, главно упориште на таа екстремистичка група во Сирија. Досега презеле контрола над 45 отсто од тој град.