Клоп седнува на клупата на Ливерпул

Германецот Јирген Клоп е новиот менаџер на Ливерпул и во следните три сезони ќе ги предводи „црвените“. Тој денеска се согласил да го предводи тимот од Енфилд и да се обиде да го извлече од кризата во која се наоѓа.

Ливерпул под водство на Брендан Роџерс, кој беше отпушетен во неделата по дуелот со Евертон се наоѓа на 10.место на табелата со 12 бода и само три победи од осум натпревари. Притоа Ливерпул одигра и три нерешени резултати во куповите (два Лига Европа и еден Лига куп на Англија).

48-годишниот Клоп се очекува за свои помошници да ги донесе досегашните соработници од Борусија Дортмунд.

Во текот на попладнето и вечерва се очекува пристигнување на Клоп во Ливерпул и евентуално утре и промоција со прес конференција.