Клоп: Ливерпул заврши со трансфери
Ливерпул ги заврши летните трансфери, тврди менаџерот на тимот Јирген Клоп. Германскиот стручњак објасни дека Тиаго Алкантара, Диого Жота и Костас Цимикас даваат доволно длабочина во неговиот состав, а нови засилувања може да се направат само во случај на непредвидена серија повреди во наредните денови.
Во моментов, проблемите на Клоп се поврзани со центарот на одбраната, откако Фабињо играше до Вирџил ван Дајк против Челси, а тинејџерот Рис Вилијамс го зазеде неговото место против Линколн за Лига купот. Причината се повредите на Жоел Матип и Џо Гомез.
– Не очекувам ништо драстично. Имаме добра длабочина во центарот на одбраната, имаме тројца од топ ниво и младинци зад нив. Фабињо исто така служи во оваа област на теренот. Да, тројца се повредија за неколку дена и никогаш не е убаво, но таквите работи не се корегираат само со трансфери. Невозможно е да се направи, а јас дури и не мислам да пробам. Освен ако не се случи некоја голема трагедија во блиска иднина, тешко дека ќе треба да привлечеме некого. Ако ситуацијата остане како што е сега, нема да ни требаат трансфери. Општо, ситуацијата е добра во моментот, рече Клоп на прес-конференцијата пред натпреварот со Арсенал.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка