Клинтон: Трамп не е квалификуван за претседател на САД

Претендентот за номинација за кандидат на Демократската партија на претседателските избори во САД, Хилари Клинтон, оцени денеска дека веројатниот републикански претседателски кандидат Доналд Трамп не е квалификуван да влезе во Белата куќа. 

- Знам колку е оваа работа тешка и знам дека за тоа ни е потребна постојаност, како и сила и разум, и заклучив дека Трамп не е квалификуван да биде претседател на САД, изјави Хилари во интервјуто за Си-Ен-Ен. 

Клинтон додаде и дека „нема шанси“ да не ја освои номинацијата за кандидат на демократите на изборите, јавува Танјуг. 

- Ќе бидам кандидат на мојата партија. Тоа е веќе готово, порача таа.