Кличко: Во Kиев нема ниту струја ниту греење по нападите пет ноќи по ред
Клучната инфраструктура е оштетена во Киев по петдневни ноќни напади со руски беспилотни летала, кои предизвикаа прекини во снабдувањето со електрична енергија и греење, изјави денеска градоначалникот Виталиј Кличко. Водоснабдувањето е зачувано рече Кличко.
Украинските власти во неделата известија за четворица загинати и 50 ранети во руските напади на новогодишната ноќ и нешто по полноќ, за кои Москва тврди дека цел биле фабрики за дронови. Воздухопловните сили на Украина во неделата соопштија дека собориле 45 беспилотни летала од иранско производство, лансирани од Русија на новогодишната ноќ, откако Новата година беше обележана со ракетни напади врз Киев.
Руската војска во неделата соопшти дека во нападите врз украинските градови, вклучително и Киев во саботата, биле насочени кон фабрики за производство на беспилотни летала за да се спречат планирани „терористички напади“.
„Плановите на режимот во Киев да изврши терористички напади врз Русија во блиска иднина се спречени“, изрази задоволство од Министерството. Москва често ги нарекува „тероризам“ операциите на украинската армија на руска територија или нападите врз нејзините објекти во Украина.
Руската војска соопшти дека ја продолжува својата офанзива во областа Донецк во источна Украина, каде што се концентрирани поголемиот дел од нејзините борбени сили. Врховниот штаб на украинските сили во неделата вечерта истакна дека „непријателот продолжува со нападите врз секторот Бахмут“, град во регионот што Русија се обидува да го освои повеќе од шест месеци со огромни човечки загуби и уништувања.
Ново на Сител
-
Мицкоски: Тоа што не успеаја Тодор Живков и други бугарски политичари со Македонија успеа во време на СДСМ
-
До 13 часот изгаснати четири пожари, еден активен во Берово
-
Украинскиот парламент усвои закон со кој се обезбедува независност на антикорупциските надзорни тела
-
Зеленски повика на „промена на режимот во Русија“ и конфискација на рускиот имот
-
Комисијата за избори и именувања распиша јавен оглас за нов претседател на ДКСК по оставката на Димитровска
-
Во јуни раст од 22.5 % во трговија на мало со храна, пијалаци и тутун
-
Поплавите во Пекинг однесоа 44 жртви
-
Изминатите три дена 1937 сообраќајни прекршоци на територија на цела држава, 447 за брзо возење