Ќерката на Моника Белучи, по манекенството, влезе во светот на глумата
Ќерката на Моника Белучи и Венсан Касел, Дева се појави на црвениот тепих на промоцијата на ТВ-серијата „Леопард“ (Il Gattopardo) на „Нетфликс“, со своето момче – 24-годишниот италијански глумец Сол Нани. Серијата е снимена во Италија, а младиот пар во неа глумат заедно, па и овојпат, штом се појавија пред фотоапаратите, тие го украдоа целото внимание.
„Пред две години, минавме шест месеци ‘оживувајќи’ го ‘Леопард’ – не само како приказна, туку како љубовно писмо до оваа земја. Тоа ме научи повеќе отколку што очекував – за уметноста, историјата и неверојатните луѓе. Но, среде сѐ тоа, запознав некој кој стана мое сидро на ова патување…“, напиша Дева до фотографиите од неа и Сол на снимањето.
Врската ја потврдија во 2023 година со фотографија од јахта.
Дева Касел веќе го освојува и модниот свет. Неодамна прошета на пистата за престижниот бренд „Долче и Габана“ на Модната недела во Милано. Таа е едно од лицата на модната куќа и веќе има предводено неколку нивни ревии во Милано и Париз. Во светот на манекенството влезе на 15 години, па во овие 6 години неколкупати ги красеше насловните страници на познати списанија.
Ново на Сител
-
Претседателот на Собранието ги распиша локалните избори на 19 октомври
-
18-годишник со мопед удрил во паркирано возило, тешко повредена неговата малолетна сопатничка
-
НАТО го поздрави мировниот договор меѓу Ерменија и Азербејџан
-
Сирија одбива да учествува на состаноците со курдските сили во Париз
-
Иран го поддржа мировниот договор меѓу Азербејџан и Ерменија
-
Кабел со кој се крадела електрична енергија предизвикал пожар на куќа и бандера во Чаир
-
Пожар во автобус на ЈСП - во него немало патници
-
Исчезна 16-годишно девојче во Струмица