Кипар ја заврши меѓународна програма за излез од економската криза
Кипар денеска ја заврши тригодишната меѓународна програма за излез од економската криза, јави ДПА.
Кипар доби пакет во вредност од 10 милијарди евра во 2013 година, а поради реструктирањето на двете главни кипарски банки големите инвеститори претрпеа значителни загуби. Исто така, беа воведени и мерки за контрола на капиталот.
Кипарскиот банкарски систем веќе е заздравен, се забрзува економскиот раст и фискалната перспектива на земјата се подобри, соопшти денеска Европската комисија.
Заменик-претседателот на Еврокомисијата, Валдис Домбровскис наведе дека на Кипар е воспоставена финансиска стабилност и се намалува стапката на невработеноста. Тој додаде и дека очекува раст во следните години.
Шефот на Спасувачкиот фонд на еврозоната Клаус Реглинг минатата недела изјави дека „за три години Кипар од длабока рецесија преминал до одржлив развој“. Тој додаде дека Никозија имала потреба само од 70 проценти од програмата за спас.
Спасувачката програма за Кипар беше доделена од ЕК, Европската централна банка и Меѓународниот монетарен фонд.
Ново на Сител
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција