Кинезите одгледуваат џиновски свињи за да намалат недостиг на месо
Кинеските фармери мораа да уништат меѓу 250 и 300 милиони свињи поради свински грип, а едно од решенијата поради недостиг на месо е одгледување поголеми и потешки свињи.
Кина е најголем потрошувач на свинско месо во светот, па Кинезите се одговорни за консумирање на повеќе од 50 проценти од глобалната потрошувачка на свинско месо, а заради големата побарувачка, многу мали земјоделци и големи корпорации во најнаселената земја во светот се занимаваат со одгледување свињи.
Поради свинскиот грип што се шири во азиските земји угинаа многу животни и фармерите мораа да убијат дури третина од животните за да спречат ширење на болеста.
Ситуацијата влијаеше на кинеските залихи, а владата предупреди на недостиг од свинско месо што може да се очекува во првата половина на 2020 година – недостиг поголем од 10 милиони тони.
Недостигот на месо не само што ќе влијае на состојбата во Кина, туку и на глобалната цена на месото, која би требало да се зголеми следната година.
Како решение за таа ситуација, односно да ги надоместат загубите и да се обидат да ја задоволат големата побарувачка, кинеските фармери почнаа да одгледуваат поголеми и потешки свињи. Според веб-страницата Сајенс алерт, земјоделци во провинцијата Гуангси во Кина започнале да одгледуваат свињи со тежина од над 500 килограми, тешки колку и поларни мечки.
Цената на таквите големи свињи на кинескиот пазар може да достигне 1.400 американски долари, што е за три пати поголема од просечната месечна плата во таа провинција.
Најголемата и најтешката свиња во Кина одгледана минатата деценија достигна дури 900 килограми.
Ново на Сител
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски