Кинеската вакцина против коронавирус е безбедна, потврди испитувањето
Првата фаза на клинички испитувања на кинеската експериментална вакцина против коронавирус, развиена од Институтот за медицинска биологија при Кинеската академија за медицински науки, ја потврди нејзината безбедност, објави „Ројтерс“.
Првата фаза на клинички испитувања на кинеската експериментална вакцина вклучува 191 волонтер, на возраст меѓу 18 и 59 години.
Не се забележани посериозни несакани ефекти, наведоа авторите на студијата објавена на веб-страницата „medRxiv“.
Најчестите несакани реакции пријавени од волонтери биле лесна болка и благ замор, како и црвенило, чешање и оток на местото на инјектирање.
Вакцината предизвикала имунолошки одговор на волонтерите вклучени во студијата, а авторите на студијата наведуваат дека сите податоци од оваа фаза покажуваат дека вакцината е безбедна и ефикасна и дека треба да се продолжи со понатамошно тестирање.
Стотици илјади итни работници се вакцинирани досега во Кина, како и членови на групи кои се сметаат за високоризични во однос на Ковид-19, иако клиничките испитувања сè уште не се завршени, што предизвика загриженост кај експертите.
Кина во моментов има најмалку четири експериментални вакцини кои се во завршна фаза на клинички испитувања.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево